Ómar Geirsson

Hreyfing lífsins er hliðarsjálf sem spratt upp af átakabloggi mínu kennt við Kveðju að austan.  Það er auðvelt að gagnrýna ríkjandi ástand en það er erfiðara að benda á lausnir.  Þess vegna er fæðing þessa bloggs búið að taka langan tíma, heildarmyndin á bak við þá hugmyndafræði sem ég kenni við Lífið var ekki fullsköpuð fyrr en í vor.  Síðan er þetta alltaf spurning um áhugann og tíma til að standa í svona sérvisku.  En ljóðskáld Lífsins fól  mér það verkefni að taka saman á einn stað grunnpistla mína um þessa hugmyndafræði og ekki væri verra að fylla uppí myndina með hugleiðingum sem fallið hafa í samtölum milli fólks.  Hvað úr verður veit ég ekki, en ég veit að í Upphafi var orðið og af orðum fæðast hugmyndir.

Njótið sem njóta vilja, það er viss alvara á bak við þessi skrif en fyrst og fremst er þetta ánægjan að hugleiða það sem hugleiða þarf.  

Við eigum jú öll líf sem þarf að vernda.